Fréttasafn eftir mánuðum//

30.07.2007  //

Gufa gæti eytt MÓSA bakteríum á sjúkrahúsum

Samkvæmt fréttum BBC gæti tæki sem framleiðir yfirhitaða gufu allt að 800 gráðum hjálpað í baráttunni við sjúkrahússýkingar eins og MÓSA. Gufan er framleidd á örfáum sekúndum með því að láta alkahól og vetnisperoxíð streyma í gegn um dufthvarfa í litlu handtæki.

24.07.2007  //

6 heilbrigðisstarfsmenn með búlgarskt ríkisfang framseldir til Búlgaríu - Við komuna til Búlgaríu voru þeir samstundis náðaðir.

Heilbrigðisstarfsfólkið sem eru 5 hjúkrunarfræðingar og einn læknir hafði í fyrstu hlotið dauðadóm fyrir að hafa viljandi smitað líbýsk börn með HIV. Dómnum var fyrir skemmstu snúið í lífstíðarfangelsi. Heilbrigðisstarfsfólkið hafnaði alltaf sök í málinu.

23.07.2007  //

Líbýumenn setja fram ný skilyrði fyrir framsali búlgarskra hjúkrunarfræðinga og palestínsks læknis

Samkvæmt fréttum www.mbl.is hafa yfirvöld í Líbýu hafa farið fram á að Evrópusambandið kosti fornleifauppgrefti, lagningu hraðbrautar frá austurlandamærum landsins til vesturlandamæranna og járnbrautateina sem muni tengja hafnarbæi í Líbýu við borgir Afríku auk fyrri krafna sinna um að sambandið kosti meðferð fyrir HIV-smituð börn í landinu

21.07.2007  //

Skortur á hjúkrunarfræðingum

Áslaug Birna Ólafsdóttir, Bjarney Sigurðardóttir og Hildur Sigurjónsdóttir skrifa um kjör hjúkrunarfræðinga í Morgunblaðinu 21. júlí og segja m.a. frá því að forsvarsmenn atvinnulífsins skilji að til að fá hæft starfsfólk þurfi að bjóða því góð laun.

21.07.2007  //

Sumarveðrið, sumarlokanir og sumarleyfi valda miklu álagi á slysa- og bráðamóttöku LSH

Í Morgunblaðinu í dag 21. júlí skrifar Gunnar Páll Baldvinsson umálagið á slysa- og bráðamóttöku LSH og ræðir m.a við Rögnu Gústafsdóttur hjúkrunardeildarstjóra.

17.07.2007  //

Dauðadómi breytt í lífstíðarfangelsi

Dómsmálaráð Líbýu hefur mildað dóm palestínsks læknis og fimm búlgarskra hjúkrunarfræðinga úr dauðadómi í lífstíðarfangelsi. Þetta hefur fréttastofan AFP eftir hátt settum líbískum embættismanni. Búlgaría og Líbýa hafa gert með sér framsalssamninga svo að sexmenningarnir ættu að geta setið af sér fangelsisvistina í Búlgaríu ef samningar nást um það.

16.07.2007  //

Vonir um að samkomulag náist í dag um lausn hjúkrunarfræðinga og læknis í Líbýu

Vonir standa til þess að samkomulag náist um lausn palestínsks læknis og fimm búlgarskra hjúkrunarfræðinga, sem dæmd hafa verið til dauða í Libýu, í dag. Bæði fulltrúar líbanskra og evrópskra yfirvalda segja samkomulag um lausn fólksins nánast í höfn en fólkið var sakfellt í desember á síðasta ári fyrir að hafa valdið dauða 426 barna með því að smita þau af HIV veirunni.

11.07.2007  //

Dómstólaráð Líbíu endurskoðar dauðadóm yfir 5 hjúkrunarfræðingum og einum lækni mánudaginn 16. júlí.

Dómstólaráð Líbíu mun koma saman á mánudaginn 16. júlí og ákveða örlög sexmenninganna. Dauðadómur yfir þeim var staðfestur í morgun. Dómstólaráðið ákvað að taka málið að sér og getur mildað dóminn eða náðað fólkið. Embættismenn í Líbíu segja það þó háð samkomulagi um bætur fyrir fjölskyldur þeirra barna sem smituðust svo að þær geti borgað fyrir umönnun barna sinna.

02.07.2007  //

Nýr styrktarsjóður við Háskóla Íslands í hjúkrunar- og ljósmóðurfræðum

Nýr styrktarsjóður hefur verið stofnaður við Háskóla Íslands, Rannsóknasjóður Ingibjargar R. Magnúsdóttur. Stofnskrá sjóðsins var undirrituð í dag af Kristínu Ingólfsdóttur rektor og Ingibjörgu R. Magnúsdóttur, stofnanda sjóðsins. Rannsóknasjóður Ingibjargar R. Magnúsdóttur er fyrsti sjóðurinn á Íslandi sem veitir styrki til rannsókna í hjúkrunar- og ljósmóðurfræðum. Markmið sjóðsins er að efla rannsóknir í hjúkrunar- og ljósmóðurfræðum og verða veittir styrkir til hjúkrunarfræðinga og ljómæðra í doktorsnámi, sem falla að markmiði sjóðsins

02.07.2007  //

Ávarp þáverandi heilbrigðisráðherra Sivjar Friðleifsdóttur á fulltrúaþingi Fíh 2007 er nú aðgengilegt á vefsvæði Fíh.

Alllengi hefur verið beðið eftir texta ávarpsins, en vegna anna í ráðuneyti gafst ekki kostur á að taka efnið saman fyrr. Ræðan er nú komin á vef Fulltrúaþingsins .