Prenta síðu

Desemberuppbót 2013//

Desemberuppbót 2013 (persónuuppbót)

Hjúkrunarfræðingar skulu fá greidda desemberuppbót 1. desember ár hvert miðað við fullt starf tímabilið 1. janúar til 31. október.  Hafi hjúkrunarfræðingur gegnt hlutastarfi eða unnið hluta úr ári, skal hann fá greitt miðað við starfhlutfall á framangreindu tímabili, þó þannig að hann hafi starfað samfellt a.m.k. frá 1. september það ár.

Hjúkrunarfræðingur sem látið hefur af starfi verður þó að hafa skilað minnst 3 mánaða (13 vikna) starfi til að fá greidda desemberuppbót.

Hún er með eftirfarandi hætti í ár:

Skv. kjarasamningum Félags íslenskra hjúkrunarfræðinga og  ríkis, Samtaka fyrirtækja í heilbrigðisþjónustu (SFH) og Reykjalundar er desemberuppbót á árinu 2013:  52.100 kr.

Skv. kjarasamningi  Félags íslenskra hjúkrunarfræðinga og  Reykjavíkurborgar er desemberuppbót á árinu 2013: 58.000 kr.

Skv. kjarasamningi Félags íslenskra hjúkrunarfræðinga og Sambands íslenskra sveitarfélaga er desemberuppbót á árinu 2013: 80.700 kr.

Dæmi um desemberuppbót hjá tímavinnufólki:

Hjúkrunarfræðingur í tímavinnu sem unnið hefur samtals 555 stundir á árinu.  Til að fá fulla desemberuppbót hefði hann þurft að vera búinn að skila 1504 vinnustundum.  Þar sem hann var búinn að skila 555 stundum fær hann hlutfall af desemberuppbótinni 555 / 1504 = 36,9%. Það þýðir að hjúkrunarfræðingur starfandi skv. kjarasamningi ríkis, sjálfseignarstofnana eða Reykjalundar fær kr. 19.225, hjúkrunarfræðingur starfandi skv. kjarasamningi  við Reykjavíkurborgar fær kr.21.402 kr. og hjúkrunarfræðingur starfandi skv. kjarasamningi  við Samband íslenskra sveitarfélaga fær kr. 29.778 kr.