Rétt til aðildar að félaginu eiga þeir sem á grundvelli laga um heilbrigðisstarfsmenn og reglugerðar um hjúkrunarfræðinga, hafa leyfi til þess að stunda hjúkrun hér á landi og kalla sig hjúkrunarfræðing.

Stjórn félagsins fer með æðsta vald í málefnum félagsins á milli aðalfunda. Stjórn mótar stefnu og megináherslur félagsins í samræmi við stefnumörkun og ákvarðanir aðalfundar. Stjórn ber ábyrgð á fjárreiðum félagsins og starfseminni gagnvart aðalfundi. Stjórn félagsins fundar að jafnaði einu sinni í mánuði.

Hér má finna svör við ýmsum spurningum sem við koma kjaramálum, launum, veikindum, vinnutíma, styrkjum og fleiru. Hafðu samband við okkur ef þú finnur ekki svarið sem þú leitar að.