Fara á efnissvæði
Mínar síður
  1. Heim
  2. Félagið
  3. Aðild

Aðild

Rétt til aðildar að félaginu eiga þeir sem á grundvelli laga um heilbrigðisstarfsmenn og reglugerðar um hjúkrunarfræðinga, hafa leyfi til þess að stunda hjúkrun hér á landi og kalla sig hjúkrunarfræðing.

  • Umsókn um fulla aðild

    Full aðild býðst hjúkrunarfræðingum sem greiða félagsgjöld samkvæmt ákvörðun aðalfundar af launum sínum og atvinnuveitandi greiðir tilskilin gjöld í sjóði félagsins fyrir þeirra hönd. Til að öðlast fulla aðild þarf að skila inn umsókn ásamt staðfestingu á hjúkrunarleyfi.

    Sækja um

  • Umsókn um aukaaðild

    Rétt til aukaaðildar að félaginu eiga nemendur í hjúkrunarfræði sem lokið hafa fyrsta námsári í greininni við Háskóla Íslands, Háskólann á Akureyri eða annan viðurkenndan háskóla.

    Sækja um

  • Umsókn í fagdeild

    Fagdeildir eru félagslegur vettvangur þar sem hjúkrunarfræðingar geta deilt sinni sameiginlegu reynslu, stuðlað að framþróun á sínu sérsviði og aukið þekkingu sína. Til þess að geta sótt um í fagdeild þarf hjúkrunarfræðingur að vera með gilda aðild að Fíh.

    Sækja um

  • Umsókn í landsvæðadeild

    Landsvæðadeild vinnur að framgangi hjúkrunar á sínu landsvæði. Hlutverk hennar er að veita félagsmönnum sínum fræðslu og efla fag-og félagsheils á svæðinu. Til þess að geta sótt um í landsvæðadeild þarf hjúkrunarfræðingur að vera með gilda aðild að Fíh.

    Sækja um

Fagaðild

Fagaðild býðst þeim hjúkrunarfræðingum sem ekki greiða félagsgjöld. Fagaðildarfélagar greiða sérstakt fagaðildargjald árlega til félagsins sem ákveðið er á aðalfundi.

Fagaðilum býðst aðgangur að fagsviði Fíh, þar með töldum námskeiðum, þingum og ráðstefnum á vegum þess. Fagaðilar hafa auk þess þátttöku- og atkvæðisrétt á árlegum aðalfundum félagsins, kosningarétt í formannskjöri og rétt til þátttöku í starfsemi fagdeilda á vegum félagsins auk kjörgengi til setu í nefndum á vegum þess.

Fagaðilar halda áunnum réttindum í orlofssjóði og geta nýtt sér orlofskosti félagsins þar til punkta þrýtur.

Til að sækja um fagaðild þarf að hafa samband við skrifstofu í síma 540 6400 eða með tölvupósti: [email protected]

Sækja um

Lífeyrisaðild

Lífeyrisaðild öðlast það félagsfólk sem hefur hafið töku lífeyris, eru hættir störfum og greiðir ekki félagsgjald. Lífeyrisaðild er félaganum að kostnaðarlausu. Lífeyrisaðilum býðst aðgangur að fagsviði Fíh, þar með töldum námskeiðum, þingum og ráðstefnum á vegum þess. Lífeyrisaðilar hafa auk þess þátttöku- og atkvæðisrétt á árlegum aðalfundum félagsins, kosningarétt í formannskjöri og rétt til þátttöku í starfsemi fagdeilda á vegum félagsins auk kjörgengi til setu í nefndum á vegum þess. Lífeyrisaðilar halda áunnum réttindum í orlofssjóði og geta nýtt sér orlofskosti félagsins þar til punkta þrýtur.

Sjá nánar