Fagdeildir

Deild sérfræðinga í hjúkrun vinnur að framgangi sérfræðiþekkingar í hjúkrun. Deildin er stjórn Fíh og nefndum til ráðgjafar um þau málefni sem krefjast þekkingar og reynslu sérfræðinga í hjúkrun.

Barnahjúkrun er fjölbreytt starf þar sem miklir möguleikar eru á sérhæfingu. Barnahjúkrunarfræðingar starfa á fjölbreyttum vettvangi innan og utan sjúkrahúsa.

Bráðahjúkrunarfræðingurinn hjúkrar með þarfir skjólstæðingsins í fyrirrúmi en leggur um leið sérstaka áherslu á góða umönnun fjölskyldunnar.

Hjúkrun einstaklinga sem hafa orðið fyrir stoðkerfisáverka eða eru með sjúkdóma í stoðkerfi og aðstandendur þeirra.

Markmið geðhjúkrunar er að veita örugga og árangursríka hjúkrun sem byggð er á þekkingu og umhyggju fyrir sjúklingnum og fjölskyldu hans.

Fagdeildin stuðlar að aukinni þekkingu í hjúkrun gigtarsjúklinga, bættri menntun í faginu og samstarfi fagfólks sem annast gigtarsjúklinga.

Gjörgæsluhjúkrun er sú grein hjúkrunar sem lýtur að hjúkrun alvarlega veikra sjúklinga sem þurfa stöðuga vöktun.

Markmið Fagdeildar heilsugæsluhjúkrunar er að vinna að framgangi heilsugæsluhjúkrunar, stuðla að fræðslu innan fagsins, vinna að faglegum málefnum og taka þátt í erlendu samstarfi.

Fagdeild hjartahjúkrunarfræðinga stuðlar að bættri hjúkrun hjartasjúklinga, auk þess að viðhalda og auka þekkingu hjúkrunarfræðinga sem hjúkra hjartasjúklingum

Fjöldi einstaklinga með sykursýki fer ört vaxandi bæði hér á landi og um allan heim. Fagdeildin leggur áherslu á gott samstarf við aðrar fagstéttir og hagsmunasamtök sjúklinga um meðferð einstaklinga með sykursýki.

Hjúkrun einstaklinga með krabbamein og aðstandenda þeirra er sérhæfð hjúkrun á öllum stigum sjúkdómsins.

Hugmyndafræði lungnahjúkrunar er að veita örugga, árangursríka og einstaklingshæfða, fjöskyldumiðaða hjúkrun, sem byggð er á þekkingu, umhyggju, kærleika og virðingu.

Hjúkrun nýrnasjúklinga er fjölbreytt starf þar sem hjúkrunin er bæði bráð og langvinn. Meginþungi þjónustu við nýrnasjúklinga er á Landspítala en fer fram á öllum þjónustustigum heilbrigðiskerfisins.

Markmið Fagdeildar skurðhjúkrunar er að vinna að framgangi skurðhjúkrunar, stuðla að fræðslu innan fagsins, vinna að faglegum málefnum og taka þátt í erlendu samstarfi.

Speglanahjúkrun er fagsvið tengt speglunum á meltingarvegi og lungum og snýr að undirbúningi, umönnun og eftirfylgni við þá einstaklinga sem koma til rannsókna á speglanadeild.

Hlutverk fagdeildarinnar er að standa vörð um menntun og hagsmuni svæfingahjúkrunarfræðinga og hafa samstarf við svæfingadeildir og félög hérlendis og erlendis.

Meginhlutverk fagdeildarinnar er að efla tengsl hjúkrunarfræðinga sem sinna sjúklingum með sjúkdóma eða áverka í mið eða úttaugakerfi og auka þekkingu innan þessa sviðs.

Fagdeildin er virkur þátttakandi í stefnumótun hjúkrunarstjórnunar, stuðlar að aukinni þekkingu hennar og stuðlar að eflingu gæða með ábyrgri, faglegri og rekstrarlegri stjórnun.

Samþætt hjúkrun vísar til meðferðar sem ekki hefur verið talin hluti af hefðbundinni heilbrigðisþjónustu en sýnt hefur verið fram á með rannsóknum að geti nýst samhliða hefðbundinni meðferð.

Fagdeildin stuðlar að því að hjúkrunarfræðingar hagnýti upplýsingatækni til að stuðla að auknu öryggi sjúklinga og heilbrigði landsmanna.

Hjúkrunarfræðingar nota rannsóknarniðurstöður í auknum mæli í störfum sínum til að stuðla að gæðum í heilbrigðisþjónustunni fyrir skjólstæðinga hjúkrunar, fjölskyldur þeirra og samfélagið í heild.

Fagdeildin leggur áherslu á að öldruðum sé veitt hjúkrunarþjónusta af faglegri þekkingu og að stuðlað sé að virkri fræðslu og forvörnum.

Markmið deildarinnar er að afla, þróa og miðla þekkingu sem gagnast sjúklingum með sjúkdóma í þvagfærum.

Tilgangur KFíh er að vinna að samvinnu karlkyns hjúkrunarfræðinga við að auka aðsókn karla í hjúkrunarfræðinám og að fyrirbyggja brottfall þeirra úr hjúkrunarfræðinámi og -stétt.

Öldungadeildin er fyrir hjúkrunarfræðinga 60 ára og eldri. Félagsgjöld eru engin.