Hjúkrunarfræðingar fá ekki sjálfkrafa fulla aðild að félaginu, í dag eru rúmlega 250 hjúkrunarfræðingar ekki með fulla aðild. Til þess að fá fulla aðild þarf að sækja um aðild hér:

Full aðild að Félagi íslenskra hjúkrunarfræðinga býðst hjúkrunarfræðingum sem greiða félagsgjöld samkvæmt ákvörðun aðalfundar af launum sínum og atvinnuveitandi greiðir tilskilin gjöld í sjóði félagsins fyrir þeirra hönd. Til að öðlast fulla aðild þarf að skila inn umsókn ásamt staðfestingu á hjúkrunarleyfi.

Réttar upplýsingar um félagsfólk eru forsenda þess að hægt sé að ganga hratt og örugglega frá beiðnum. Við skráningu í félagið er fyllt út í bankaupplýsingar sem gerir félaginu kleift að ganga frá greiðslum.

Það þarf ekki að skrá sig formlega í félagið til að fá greiðslur úr A-hluta vísindasjóðs en til þess að fá greiðslur úr sjóðnum og öðrum sjóðum þurfa að liggja fyrir réttar persónu- og bankaupplýsingar. Hjúkrunarfræðingar eru hvattir til að fara inn á Mínar síður og tryggja að allar upplýsingar séu réttar.

Við hvetjum allt félagsfólk til að skrá sig inn á Mínar síður og passa upp á rétt netfang sé skráð til að hægt sé að koma á framfæri mikilvægum upplýsingum þegar svo ber undir auk þess að passa upp á að bankaupplýsingar séu réttar.